黎耀祥晒上海話稱雄

無綫製作資源部總監樂易玲昨日率領藝員黎耀祥、湯鎮業、洪永城、陳凱琳（Grace）、陳展鵬、岑麗香（香香）、黃宗澤（Bosco）以及龔嘉欣出席一年一度的上海電視節，為隆重其事，無綫搭建搶眼的大型攤位，藝員更穿上戲服力谷《梟雄》、《張保仔》、《無雙譜》三部新作，成為展覽會中的焦點。

正在開平忙於拍攝新劇《公公出宮》的祥仔明顯曬黑不少，他與湯鎮業即場大晒上海話為新劇《梟雄》宣傳，又說該劇於上海取景，令他相當期待。提到拍新劇，祥仔笑言：「開平真係好曬，曬到燶咗！」

黎耀祥與湯鎮業晒上海話，突圍而出。

右起：洪永城與陳凱琳首次參與盛會，眼界大開，旁為陳展鵬。

洪永城覺震撼

首次參與盛事的洪永城初訪上海令他眼界大開：「第一次嚟，見到個場面好震撼，規模好大！所有樓梯、地下都貼住我哋TVB劇集嘅海報，保證見到都會嘩一聲，今次真係見識到，希望每年都有機會可以參加呢項盛事啦！」身穿戲服化身「張保仔」的他還說：「所有拍攝時嘅開心同辛苦都返晒嚟，今日仲要見番陳凱琳同陳展鵬，大家傾番拍攝時嘅趣事，好希望套劇可以喺10月順利出街。」

岑麗香鬧笑話

同樣首次到訪上海的Grace亦大讚規模震撼，身為上位花旦的她驚訝已儲落不少內地粉絲：「大家都好熱情，好有禮貌，今次最擔心要用普通話做訪問，平時少講，嚟上海前都有練習。」香香以普通話宣傳時鬧出不少笑話，要在旁已北上發展的Bosco充當翻譯護花。

文：影視組