Eddie有信心氹番朱慧敏
藝人彭懷安（Eddie）早前被《好報》拍得夜蒲攬女，激嬲未婚妻朱慧敏（Queenie）將婚期叫停並到美國散心。前晚他出席新片《男極探射燈》記者會時透露：「我同Queenie每日都有電話溝通，大家都因為呢件事有新想法，以前係有溝通問題，佢已經原諒咗我，依家反而溝通得唔錯，畀啲時間，畀大家一啲空間。（飛過美國箍煲？）唔騷擾佢喇！（有信心搵番個老婆返嚟？）我有嘅！」
Eddie反而擔心Queenie七月返港對面傳媒會有壓力，他說：「我就面對咗傳媒，有啲擔心佢心理未準備好。（驚佢再嬲？）應該唔會，呢件事令我明白藝人要檢點，好彩Queenie對我百分百信任，之後嘅事我會知點做。（當日決定結婚太衝動？）唔係衝動，係訂咗婚之後有好多問題浮現，依家溝通過，會更清晰。」
