戴夢夢認戀人夫：清楚發生乜事
由歌手轉做經理人的戴夢夢，前日被本報拍到跟已婚的太極樂隊成員Ricky（朱翰博）在中環拖手歎白酒。Ricky初時接受電話訪問表現避忌，後來才大方透露跟太太分居多時，現正辦離婚手續。他謂：「喺中環拖手，我蠢囉。」又稱跟夢夢拍拖沒有壓力，會以平常心面對：「唔係大家幻想咁，唔好影響到女方。」
夢夢亦直認跟Ricky發展中：「我唔係鍾意出風頭，依家都冇做幕前啦。（幾時開始拍拖，點認識？）唔講啦，唔想影響開音樂學校嘅佢。」與人夫拍拖會否大壓力？夢夢說：「佢都搞緊手續，我清楚發生乜事，事實唔係大家所諗嘅咁，我哋清楚知大家咩狀況。」
