霆鋒心痛婆婆 捱熱輪籌賺微利
謝霆鋒早前開設餅店自家製作「鋒味」曲奇，曲奇開賣後隨即有人自創商機，將原價二百元一盒的曲奇放上網以雙倍價錢出售，近日更出現「婆婆兵團」為賺數十元等候餅店開門搶購，霆鋒知道後直言既希望婆婆可以幫補生活，又怕她們太辛苦。
謝霆鋒早前在中環開舖售賣「鋒味」曲奇，隨即引起全城「鋒」潮，不少粉絲慕名而來，更有內地粉絲遠道來港搶購，在內地購物網亦有網店將原價二百元一盒的曲奇餅炒至四百一十元！據知現在餅店實施派籌制，每個籌可買兩盒曲奇，每朝六點都吸引大班客人在超猛陽光的街邊等開舖買餅。前日記者在開店前到餅店門口直擊熱購情況，現場出現近百人的人龍，主要是婆婆居多，其中亦有拉篋的內地客。
買家兇記者
排龍頭的婆婆表示自己六點已到門外等候，而龍尾就有自稱住附近的婆婆排隊，婆婆表示已經來了幾天，因每盒曲奇餅都有價有市，就算自己不吃都有人會收貨：「有人會買我哋啲籌，早幾日一個籌收六十蚊，依家就四十蚊，成日都唔同。」婆婆此話一出，排前面的一位男士即表示願意收購婆婆的籌號。至十一時開始派籌後，餅店門外隨即出現四、五群買家，婆婆們都爭先恐後賣出自己的籌，成功出售籌號的婆婆會按買家要求入餅店買餅，再將曲奇交給買家。
記者上前訪問買了六盒曲奇的兩名買家，來自內地的白衫男初時友善回應：「嚟咗幾日都買唔到，咪一次過買多啲，當手信送畀人。（代購？）我哋唔幫人買，全部自己送畀人。」記者打算離開時，白衫男突然發難強搶記者的拍攝器材，更涉嫌出言恐嚇：「如果你哋寫出嚟我就返內地搵人斬你！」記者本想低調處理迅速離去，但白衫男繼續大罵：「你恰我大陸佬，唔係我哋買，你哋啲曲奇都冇人買！」再衝前與另一買家齊用手機反拍記者，期間更有肢體衝突，他們喪追一條街後記者本想報警處理，不過兩男士見狀即急忙逃離。
記者事後致電訪問霆鋒經理人霍汶希（Mani），講到近日餅店門外出現一班婆婆排隊搶購，Mani直言霆鋒知道很多婆婆為了五、六十元每朝等近五個鐘後，十分心痛，但亦心感矛盾：「雖然賣籌嘅風氣唔健康，但霆鋒一方面想婆婆賺多啲錢幫補生活，一方面又擔心婆婆辛苦。」Mani亦講到深知炒賣熱潮已持續一個月，但奈何要保持品質，每天都只能限量發售，扣除作慈善用途的曲奇，市面不足五百盒作售賣。
爬樹睇舞獅
另外，霆鋒近日正於佛山與陳偉霆拍節目《十二道鋒味2》，兩人為體驗龍舟文化先與當地村民比賽划龍舟，又向村民學習包糉及幫老人家打井水，前日霆鋒更貪得意爬上一棵大樹上，以高角度睇舞獅，認真牙煙！
文：音樂組