雨僑谷胸行騷離罩凸圍

歌手雨僑（Ava）昨日出席「夏日婚博會2015」，同場還有模特兒程芷渝（Milla）及「翻版Cool魔」張振朗。Ava披上多套性感婚紗行天橋，谷出三寸事業線，但就不慎出現「離罩」情況。完騷後她依舊懵然不知：「可能行騷時間比較趕，加上唔係度身訂造。其實個騷係公司合併後第一個工作，公司都好緊張，有好多同事都有到，但咁多同事都竟然離罩！」

合作愉快冇不滿

而對於公司與靠o靚模起家的GME合併，經理人部門員工及藝人交由GME接手，由一手捧紅周秀娜的鄺君賢（Roy）負責，有傳引來張智霖及鄭欣宜等人不滿。Ava則指工作上變動不大：「正式嚟講係我哋公司收購咗GME，同Roy識咗五、六年，佢以前喺我公司做經理人，合作都好開心！（覺得公司降呢咗？）自己唔敢咁講，我同周秀娜、何佩瑜以及何浩文都合作過。」又指未聽過公司藝人對此事有所不滿，不怕飯碗被搶。

雨僑不慎離罩仍懵然不知！	周秀娜和雨僑正式成為同門。（資料圖片）	張振朗為拍劇特登曬黑轉Look。

張振朗曬黑操肌

而獲無綫製作部總監曾勵珍點名力捧的張振朗，則笑言希望成功撇甩張智霖的影子，可以做回自己：「觀眾都會悶同想有新鮮感，最近喺新一輯《愛．回家》入面會做瑜伽師傅，自己都特登去做運動同曬黑，又剪頭髮，好期待7月6日劇集首播，無論觀眾反應是好是壞！」另外，Milla大嘆因後台混亂而令流程延遲，故未能有份行騷，只有機會與設計師一同在台上謝幕。

文：名人組