鍾麗淇佗B正能量爆棚

現年38歲的前藝人兼瑜伽導師鍾麗淇（Margaret），自大女半歲時確患罕見基因病「四號染色體缺損綜合症」後，她與中意混血丈夫Nardone Ruggero積極樂觀，陪女兒一起打仗，更創立慈善基金，幫助有需要的家貧病童，給其他人雪中送炭。

全家上下力撐

日前Margaret宣布造人成功懷孕四個月，即獲全城網友支持，至晚上截稿為止，已獲1.2萬網民畀like支持，昨日她得悉獲網民力撐，開心得到這麼多人支持：「依家正能量爆棚，家人都好支持我，老爺奶奶都好開心，小朋友出世嘅話，我老爺就有四個孫，大家庭好幸福。（老公有冇獎勵？）BB就係獎勵，最開心係同盈盈（湯盈盈）一齊大肚，一齊傾湊小朋友心得，我係佢個女Alyssa契媽，我個女Isabella係盈盈契女，兩個成日一齊玩，大個可以一齊扮靚。（到時餵人奶？）人奶係第一步。」

黃佩霞讚正面

懷孕初期Margaret有妊娠反應，經常感不適，連起床也感困難，故暫時停教瑜伽，幸現時已沒有不適，她準備再教瑜伽，暫時她尚未購買BB用品。而同是瑜伽導師兼好友的黃佩霞，一直視對方為妹妹看待，大讚Margaret是她認識的人中思想最正面一個：「佢嘅生活態度同心理質素都好正面，係好積極嘅人，從來唔使任何人擔心，佢好識得平衡，我哋成日傾瑜伽、傾工作，會分享開心同唔開心事，佢想我幾時陪佢傾偈或者shopping，無任歡迎，百分百支持佢，再大肚好戥佢開心！」

文：名人組