陳細潔食保健品防新沙士

「鯊魚女」陳細潔（Abbie）昨日出席保良局流動中醫診所命名典禮，透露對中醫也頗有研究：「公司之前有請中醫師教員工，對於面診、脷診方面好皮毛嘅嘢，我之後再買書深入研究。」Abbie認為小毛病如感冒，中醫的效果較好：「其實中西合璧就最好，當然係未病之前食健康食品保健，咁就中西醫都唔使睇。」Abbie又透露近日胞姐陳小寶正享受郵輪假期，並稱從未試過郵輪之旅：「我覺得要有個啱嘅伴一齊坐，例如去度蜜月，或者大班朋友，否則會幾悶。」提到新沙士在南韓爆發，她笑謂有同事剛從南韓旅遊返港，被其他同事戲言要隔離，但Abbie對此並不太擔心：「其實又唔係去新沙士源頭嘅地方，香港每日有好多人由南韓返港，且當地暫時只有十幾宗，所以唔太擔心。」