祖兒呻窮 問Mani度水
天后容祖兒昨日與經理人霍汶希（Mani）出席活動，Mani不斷踢爆祖兒生活上的秘密，包括向她借五萬元及拍內地真人騷拍到喊，搞到祖兒一臉尷尬，場面搞笑。
容祖兒與經理人霍汶希昨日一同出席好友餐廳開幕，祖兒表示與老闆是認識多年的老友，問到有否參與投資一分子？她說：「冇啦，邊有錢！啲錢喺晒媽咪度，今個月都未出糧。」在旁的Mani即踢爆祖兒曾向她借五萬元港幣，祖兒即說：「做咩爆出嚟？我最後問咗媽咪，冇借到。其實我好少帶錢出街，只要有人認得我都會畀番幾分薄面，但有時都會食檸檬。我唔帶銀包出街，覺得冇安全感，反正人本身就乜都冇。（信用卡？）一、兩張都會。」
拍真人騷爆喊
祖兒近日一星期中有一半時間也要返內地拍攝真人騷，她笑言有飯盒食不用花錢，續說：「空中飛人生活好艱巨，Mani仲慘，拍《十二道鋒味》要踩糞池，成腳腫晒，一個人成功係有原因。」Mani又踢爆她為拍攝真人騷喊過幾次：「可能因為24小時有鏡頭錄住，周圍都有鏡頭，得廁所冇。」祖兒聞言即說：「又爆我！有次廁所爆屎渠，我唔敢同人講因為怕有人影，忍咗幾日，去第二間房去廁所。（對鏡頭有恐懼？）瞓覺有少少，已經唔知自己係運動員定歌手，搵食艱難。」
文：名人組