陶大宇呻被邵仲衡搶job
無綫「神劇」《大時代》造就「雙蟹」邵仲衡及陶大宇人氣反彈，昨日兩人孖住出席網絡平台宣傳活動，期間不忘互笠高帽。邵仲衡台上更叮囑大宇「射」住，果然「兄弟情深」。
大宇接受記者訪問卻扁嘴謂：「啲活動搵晒佢，佢射住我就真！我冇咩（活動）喎，呢個係第一個。」他表示有線的飲食節目已近尾聲，隨時準備接受新工作。而邵仲衡則坦承《大》劇重播以來，自己工作量持續上升，今個月檔期排滿，保守估計帶來七位數進帳，且謂：「戲癮發，好想同多啲新拍檔合作。」他又重提以往與媒體關係差：「以前唔明運作，依家做多啲訪問，我當自己找數囉。」