徐濠縈：佢唔減肥我唔生

徐濠縈（阿徐）的丈夫陳奕迅早前被影到跟老友去做運動至滿頭大汗，前晚在活動中阿徐被問到Eason是否減肥？她說：「係就好喇，佢話佢唔會戒煙、唔會跑步，愈叫佢就愈唔會做，佢性格係咁，佢仲話：『要我陪你跑我就偏唔跑！』（覺得佢急切要減？）都急o架，佢唔減我唔生。Wyman（黃偉文）教我叫Eason戒煙我先生BB，依家要佢戒煙加減肥我先會生！」其女康堤亦經常叫爹哋戒煙，更在學校拿了戒煙熱線給爹哋，不過阿徐笑言相信要找減肥公司才能幫Eason減肥。

有輕微都市病

阿徐如此緊張，主要想Eason健康點：「唔想佢第時老咗有啲咩病，佢依家有輕微嘅問題，為保佢嘅私隱，我唔講得，不過係輕微問題，同飲食有關，呢排要煲好多嘢畀佢，佢睇咗中醫，我要焗好多嘢，pack好多暖壺畀佢帶返大陸，畀佢食啲藥材粥、麥米，食o黎去吓啲血脂。佢血壓正常嘅，唔係會暈，有啲輕微都市病。（佢係咪想生BB？）佢梗係想啦，我要要挾佢，男人又唔使佗B，我佗要犧牲好多、飛少好多，會影響工作。」

Eason	阿Sa覺得集郵影相好尷尬！	吳雨霏會在暑假舉行婚禮。

阿Sa集郵尷尬

同場的蔡卓妍（阿Sa）目前正拍Twins十五周年花絮，日前更遇上靚仔法國男模，問她看見靚仔可會望多兩眼？她說：「好少遇到。（今晚韓星宋承憲來。）吓啦，係靚嘅每個人都會望多幾眼。我之前去AMFAR Ball見到T.O.P（BigBang成員）都掙扎咗好耐，最後都有影相，好尷尬同好怕醜囉。我鍾意李敏鎬同T.O.P，但最想見到尊尼特普，福山雅治都幾好。」而準新娘吳雨霏剛試過頭紗及度了婚紗size，婚禮於暑假在外國舉行，不會大搞，至於台灣男星王陽明亦透露求婚成功。

宋承憲

王陽明

文：名人組