鄺美雲放生忠告 分清鹹淡水
前港姐鄺美雲昨日出席佛誕活動。信佛多年的她，提到近日不少人放生變「送死」，她揚言放生實屬好事，但勸籲放生人士謹記不要對外指定任何海產或放錯水域，以免商人有機可乘及謀害了小生命。
前港姐鄺美雲（Cally）和組合C AllStar成員梁釗峰（Andy）昨日出席佛誕活動。Cally表示這數天來，均忙於為活動的精彩節目進行綵排。自言已加入佛光會15年的她，每年都必親自到場支持。她更感恩天公作美，天氣晴朗：「前幾日仲好大雨，每年綵排都會落雨，上台前一定仲落緊，好彩一上台就放晴。」
杜絕商人濫捕
問到近來許多人指摘放生動物如同殺生？對此，Cally坦言：「其實做善事最緊要係做好事、說好話、存好心。有啲人去放生，啲商人就會捉啲海產去畀你買，咁就唔係幾好。其實平時幫多啲其他人最好。（唔建議人放生？）好難講，但放生係好事。我覺得如果要放生，最好唔好講定或指定要邊種動物，如果唔係啲商人就會去捉定嚟賣，同埋啲海產一定唔好放錯水域，要放啱鹹淡水，否則啲動物會死。」
釗峰愛聽佛偈
而獲Cally邀請任表演嘉賓的釗峰，則表示去年亦有到場獻唱，並大讚Cally是推動宗教事宜的好榜樣：「我覺得佢推動幼兒、青少年同三好嘅事，搞得好有聲有色。（共同信佛？）我同佢共同學佛，但就未真正皈依，但好鍾意聽Cally講佛偈、道理。」他又笑稱不時將佛偈內容轉述給其餘三位隊友，令隊友們大感煩躁。
文：名人組