Chilam搵煇哥集郵享特權
屹立華語流行樂壇半世紀的「樂壇教父」顧嘉煇，前晚於紅館由12位重量級巨星獻唱其經典名曲 ，最後並唱出《歡樂今宵》的「晚安曲」，為12場的「榮休盛典演唱會」畫上圓滿句號。
前晚尾場吸引到湯唯、胡楓夫婦、馬浚偉、馬德鐘、薰妮等前來捧場， 除12位巨星外，張智霖（Chilam）冧莊任特別嘉賓，觀眾反應熱烈，他自爆愛「集郵」，更拿出手機走到煇哥身邊selfie（自拍），並笑謂：「係歌手先有呢種特權。」而來捧場的靚靚袁詠儀亦如老公Chilam般，到後台找一眾前輩歌手集郵。
阿姐風騷轉身
至於阿姐汪明荃唱《萬水千山總是情》時表現風騷，邊唱邊「華麗轉身」，又大讚煇哥為香港人寫了很多名曲，寫下獅子山下傳奇，見證香港珍貴年代。在演唱會尾聲時，眾歌手鄭少秋、葉麗儀、張敬軒、謝安琪、陳潔靈及羅嘉良等12歌星，在煇哥的指揮下唱出《獅子山下》，之後歌手亦逐一給煇哥送上致謝詞，阿姐請全場起立以掌聲歡送煇哥，而秋官更送驚喜率全場萬二位觀眾齊唱煇哥作曲填詞的《歡樂今宵》的「晚安曲」，讓演唱會在歌聲中寫上完美句號。
慶功宴上眾星都表示不捨，軒仔謂：「第一次同咁多位前輩一齊做騷，學到好多嘢，佢哋袋咗好多錢入我袋，所以已準備錢罌分別送給大家作禮物致謝。」
文：音樂組