翠如張繼聰 接棒延續愛
無綫處境劇《愛‧回家》一班新舊演員劉丹、郭少芸、黃德斌、黃翠如、張繼聰等出席「變新」交棒活動，舊有馬家成員丹爺與林漪琪、郭少芸等齊齊喊「 I'll be back！」。至於新班底的翠如，亦揚言會努力不要失禮《愛》劇。
早前一直傳《愛‧回家》會被新處境劇取代，製作部總監曾勵珍昨日表示《愛》三年來已播出七百多集發放正能量，並已變成一個名牌，故7月6日開始會以新的家庭故事延續下去，舊演員亦於適當時候回歸。珍姐笑說：「丹爺拍咗七百幾集都有啲攰，等佢哋休息吓先，我哋要將呢個家擴大落去。」
郭少芸感觸灑淚
丹爺亦感到不捨，他說：「聽到珍姐講完都定啲，將來有機會返嚟。」丹爺隨後與馬家成員齊喊口號「 I'll be back！」，感觸最深的是喊個不停的郭少芸，她說：「今日係我最後一日拍攝，好唔捨得，亦好開心《愛》可以發揚光大，希望將來可以再拍。」她又劇透與黃德斌有個開心結局。
張繼聰與黃翠如在新一輯扮演健身中心老闆兼瑜伽大師，故近期要頻頻上堂學瑜伽。講到取代一班舊演員，張繼聰表示：「絕對冇咁諗，反而好榮幸可以接力，珍姐講得好好，香港有好多唔同家庭故事，咁樣就可以彈性處理唔使咁局限。」問張繼聰可擔心拍處境劇困身？他說：「拍幾耐冇人知，等公司安排，稍後都要去大陸拍《葉問3》。」黃翠如也希望有好表現，不會失禮《愛》劇，將《愛》延續落去。
張振朗搣甩Chilam
張振朗、吳業坤、何君誠被點名在新一輯力捧，張振朗對於珍姐厚愛說：「今次係拍劇以嚟最重戲份，自己都花好多時間預備，希望唔會令珍姐失望，同埋都想做番自己搣甩Chilam，畀大家知道唔係淨係識得扮人。」
文：影視組