吳若希收周志文短訊：佢叫我安心
「女神」吳若希（Jinny）昨日與歌手馮允謙出席「YDC」得獎作品產品發布會，將於本周六（23日）生日的Jinny透露將在工作中度生辰：「要出席慈善活動，第二日要返內地工作。（有冇人送樓同車畀你？）等第時老公送，雖然收到好多公仔，不過都叫朋友唔好送禮物，將錢捐出去再畀張捐款單我，咁樣我就開心。」
Jinny又大方表示不獲無綫續約的緋聞男友周志文回覆其短訊，她說：「佢叫我安心唔使擔心。」有傳她與蔡思貝因爭無綫藝人溫家偉而姊妹情決裂，Jinny哈哈笑否認：「我哋係爭贏咗友誼，我哋成日聯絡，自從媽咪出事後，佢都有嚟探媽咪，佢媽咪亦煲湯我飲，無聊新聞唔回應，大家知道大家嘅心就得。」