Jocelyn品牌大募集義賣賑災
名模Jocelyn與老公Anthony一向善心爆棚，早年更在尼泊爾興建學校，幫助當地小朋友有個舒適環境讀書，惜上月尼泊爾發生大地震，學校倒塌變成廢墟，Jocelyn隨即發起義賣籌款活動，希望為當地出一分力。
早前尼泊爾發生大地震，於2008年在當地興建了學校的名模夫婦Jocelyn及Anthony，當然非常擔心當地六十名學生的情況。Jocelyn說：「間學校完全破壞咗，已經倒塌，好彩冇學生死亡，但有受傷，不過佢哋已經接受治療，會好快康復。（重建學校？）暫時唔會，重建學校要1萬5千美元（約12萬港元），依家有當地人連屋企都被摧毀，有啲甚至要瞓街，用呢啲錢嚟救災、買物資仲實際。我哋打算將學校同當地其他學校合併，咁樣學生就可以完成學業。」
聯絡客戶行善
問到二人有否打算到當地協助救援工作？Anthony說：「唔會，因為我哋去咗嘅話，會用咗當地災民所需嘅物資，好似食物同水。」而為了籌集更多的款項，夫婦倆將於下星期五（29日）舉行慈善義賣籌款，Jocelyn表示：「我哋聯絡晒所有識嘅品牌同客戶，請佢哋捐啲產品畀我哋義賣，好似手袋、錶、spa treatment等等，我哋會將籌到嘅善款捐去尼泊爾。」
一切進行順利
他們表示早於大地震發生當天，二人已打算辦籌款活動，但由於他們要到外地工作兩星期，故一直未能實行。他們於數天前回港，便即時着手籌備，Jocelyn說：「我哋依家一日做十六個鐘，不過一切都進行得好順利，希望籌到多啲錢幫人。（目標係幾多？）冇諗，盡力做。」
文：名人組