Beyond合體 Paul要坐低傾
前Beyond成員葉世榮有意做「和事老」拉攏反目成仇的舊隊員黃家強及黃貫中（Paul）「合體」，為已故Beyond靈魂人物黃家駒於年底假紅館舉行「一個真真正正的慈善演唱會」。昨日Paul的經理人王斌接受電話訪問時，表示Paul已知道此事：「一切要等佢哋坐低傾吓先，因為唔係一件簡單嘅事。」問Paul的意願？他謂：「我唔打擾阿Paul住，因為佢忙緊創作，佢9月會去北京舉行個人演唱會。」
炮轟容忍有極限
至於黃家強在前晚播出的新城電台節目訪問中，就另有「意見」話：「Beyond肯定冇可能重組。」更不開名炮轟某人，稱現已到他可容忍極限了：「有人不擇手段去傷害對方，如果要去到聯手攻擊我，容忍有限度，我唔出聲，你都唔放過我，硬要逼我跳落懸崖，將所有嘢講出嚟。」提及亡兄黃家駒，他表示：「其實家駒唔喺度，（Beyond重組與否）都冇咩意思。」
另外，身在北京的葉世榮接受電話訪問被問及家強稱「Beyond不重組」時，他表示：「大家知大家性格，希望佢講過就算啦，或者佢個心好亂、好多疑惑，可能同佢公司有關。」世榮謂回港將會約兩人商討，個人對開騷仍抱希望及信心。
文：音樂組