何雁詩多爛桃花 分手次次傷
藝人何雁詩昨日與蔣志光出席酒會活動，她大讚好友陳凱琳與緋聞男友鄭嘉穎非常合襯。雖然何雁詩自言桃花旺，但大呻只得「假桃花」，且每段感情都很傷。
何雁詩與蔣志光昨日為「千色Citistore開業25周年慶祝酒會」擔任表演嘉賓，因拍無綫劇《四個女仔三個BAR》而跟陳凱琳（Grace）與劉佩玥（Moon）熟落的何雁詩，被問到Grace與鄭嘉穎傳「父女戀」，有指女方父母嫌嘉穎年紀大而棒打鴛鴦，何雁詩雖指不知兩人是否拍拖，但高呼戀情很「正」：「一向覺得嘉穎係男神，Grace又係女神，兩個好夾，話佢哋有年紀差距，其實Grace都好成熟，好多嘢可以應付到。」
與周志文劃界線
對於另一好友阿Moon被指暗撻黃又南，何雁詩稱未有向對方八卦，但笑謂：「如果係真不妨喺我面前做真人騷，我哋咁Friend，佢都未試過帶男仔畀我哋見，我覺得佢哋都幾襯，大家頭髮都差唔多長。」
有指曾獲「食女王」周志文追求，何雁詩澄清二人只是好友：「可能言語間有令人誤會，我已經同所有人講我哋係冇任何情侶關係，到依家都冇再聯絡。（男方畀無綫炒？）冇問，我覺得唔會咁易，合約唔係話冇就冇，係需要時間處理。」
何雁詩稱目前單身，並自嘲是「光棍」，問有否追求者？她說：「我桃花運好暢旺，好多男性朋友，但都係假桃花，呢刻我未ready接受新感情。」她直言半年前與拍拖多年的男友分手，自言愛得轟烈的她又指每段感情也很傷。
蔣志光忙於寫歌
同場正趕拍新劇《公公出宮》的蔣志光，透露目前為自己寫歌，是否打算出新碟？他說：「唔知，只係唔想浪費時間，依家作咗兩、三首歌。（有作新歌同韋綺姍合唱？）暫時未有，但要合唱佢一定係好嘅人選。」
文：影視組