趙碩之開心變栢芝

藝人趙碩之（Wylie）、陳小春、鄧麗欣（Stephy）、台灣男星柯有倫等昨日出席網絡劇活動。Wylie的護士裝將逼爆身材包到實，但她的雙眼、眉和鼻都明顯與過往大不同，驟眼看竟與張栢芝及張曼玉有幾分似！Wylie昨日接受本報電話訪問，笑言似栢芝和曼玉好開心：「劇中我做護士，化好淡妝，而且我交晒畀化妝師！估唔到大家覺得我淡妝同濃妝差咁遠！我自己日日喺屋企唔化妝，好慣個樣，可能大家睇唔慣啦！（被指變樣得啖笑？）我係好開心先真，我心目中栢芝同曼玉都係大美女！由細到大我對眼都比較圓，有畀人話過似張曼玉，但我自己覺得高攀唔起！」