張智霖愧對煇哥推job再冧莊

藝人張智霖（Chilam）前晚現身紅館為《顧嘉煇榮休盛典演唱會》擔任第十場嘉賓，由台中的舞台升起出場，西裝骨骨的Chilam先唱出《當年情》，唱畢後向煇哥及各位觀眾問好，他表示作為一個香港長大的歌手，能站上這個舞台是一種成就，又笑言是抱着小朋友的心態前來：「我見到好多偶像，頭先喺後台我瘋狂喺度集郵，所以大家向我集郵我都係唔介意o架！」隨即就有觀眾大嗌「你好靚仔呀」，Chilam笑說：「你咁講，咁我要過嚟啦！」之後他提到無綫的電視劇陪伴自己成長，接着就演唱由煇哥作曲的劇集主題曲《畫出彩虹》。

向前輩獻技

Chilam受訪時坦言在一眾前輩面前演出，感到非常緊張：「每一位都係殿堂級歌手，全部都好犀利，所以我今次係又嚟做，又嚟睇！」問到老婆袁詠儀可有前來捧場？他笑說：「有呀，佢就係特登要嚟集仙杜拉姐姐嘅郵！」他又提到印象中第一次與仙杜拉見面，已有一種熟悉的感覺：「因為好細個喺電視上已經見過佢，覺得佢好friendly，同埋喺台上好有power，好值得我哋學習！」

遺憾唱唔紅

而原先Chilam只會擔任兩場嘉賓，但獲主辦單位邀請在尾場再度獻唱，Chilam說：「咩都推晒都要嚟！正如頭先所講，一個香港歌手企到喺顧嘉煇榮休演唱會上面，係一件夢寐以求嘅事！」提到與煇哥的合作，Chilam透露1994年演唱電視劇《射鵰英雄傳》的主題曲《絕世絕招》，正是煇哥與黃霑的作品，不過遺憾當時未能將歌曲唱紅。

文：音樂組

攝：黎志輝