陳凱琳落嘴頭 幫嘉穎過關

陳凱琳大讚嘉穎關懷體貼，看來這段關係進展得非常順利。

Grace昨日聯同草蜢出席銅鑼灣舉行的露天活動，圍繞着Grace的話題始終不離她與嘉穎的「父女戀」，對於有指Grace父母嫌嘉穎年紀大，母親要棒打鴛鴦，連母親節都沒有留港便飛返加拿大，Grace為此解畫：「其實媽咪兩個幾月前已經返咗加拿大，母親節陪唔到媽咪，所以就喺instagram上載咗同媽咪合照寫I Miss You。（父母見過嘉穎未？）未嘅，我哋一直拍緊戲，等套戲拍完我就會返加拿大探佢哋。（帶埋嘉穎去？）一個人去。（嘉穎唔去埋點樣多了解？）所有嘢慢慢嚟，我都係了解當中。」

見家長唔使急

是否爸爸介意嘉穎年紀？Grace則言：「父母都好清楚我為人，知我做每個決定都會諗過，為自己幸福去做每件事，最緊要開心。（有冇話想見嘉穎？）呢方面唔使咁心急嘅，順其自然就得。」父母對嘉穎有何評價？Grace即為嘉穎加分：「印象係好嘅，我都有同爹哋媽咪講嘉穎係一個好好前輩，拍戲幫我好多，好體貼，好關心身邊嘅人。所以好印象嚟o架。」

陳凱琳否認父母嫌嘉穎年紀大。（資料圖片）	世伯伯母，小弟唔細，勝在真愛可貴。（設計對白）	草蜢三子因經常跳舞令關節勞損，傑仔稱會煲雞腳湯吸收骨膠原。

問到可擔心嘉穎因年齡差距惹來的是非而怏怏不樂？Grace謂：「佢唔會，佢對每段新聞睇完就算，冇乜嘢，我同佢都睇得好casual，得啖笑。」而昨日鄭嘉穎在電視城拍劇，說到Grace在父母面前大讚他，嘉穎笑言：「咁就多謝佢，咁欣賞我。」

文：音樂組