鄧麗君被爆曾訂婚
已故天后鄧麗君逝世二十周年，在電台昨日播出的紀念特輯中，請來其香港歌迷會會長張艷玲、管家明姐等分享點滴，張艷玲透露當初鄧麗君與郭先生訂婚時，有邀請一眾歌迷出席，但之後兩人未有結婚：「隔咗一排佢叫我幫佢攞婚紗，但第二日又話唔使攞喇。」
而明姐曾跟隨鄧麗君到法國居住，提到對方的男友Paul，她說：「佢識咗Paul幾開心o架，睇得出佢容光煥發！其實Paul對佢幾好，唔似外間所講，好似睇書嘅時候燈太暗會幫佢開光啲，好細心！」問雙方有否想過結婚？她謂是鄧麗君不願意：「因鄧媽媽同佢講過話喺埋一齊冇所謂，但唔好結婚。（點解？）可能性格唔係咁啱，始終鄧小姐大佢咁多，Paul就好細路。」