林芊妤勁扑 搶峰頭

林芊妤（Coffee）、張建聲、王宗堯、蔡瀚億、黃光亮、崔碧珈及郭奕芯等昨日現身西九龍中心，宣傳新片《壹獄壹世界》，眾演員先到停車場，進行「扑車」儀式。以瑜伽裝束示人的Coffee，與黃光亮爬上小巴車頂，合力用大錘扑車，Coffee落力扑車之際，烏身露出心口4吋事業線，令停車場氣溫急升。

優先場有讚冇彈

Coffee返到商場宣傳時跳跳紮，被指又再性感搶鏡的她說：「吓？乜好性感咩？我平時教瑜伽都係咁着啦！（崔碧珈同郭奕芯都唔夠你搶鏡？）佢哋唔夠膽扑，咪我嚟囉，我男仔頭，又運動型，不過我未爆過玻璃，頭先都有少少驚，但我鍾意刺激嘅！」

林芊妤以瑜伽裝現身，盡顯身材。	王宗堯、張建聲等穿上「囚衣」宣傳新片。	「新囚犯」已準備接棒於流動水飯房車「坐監」。

而另一演員張建聲笑言：「咁樣爆車，我覺得好似玩緊《街頭霸王》，之前優先場觀眾反應好好，好多好評，冇乜人插，冇負評反而有啲驚。但我哋忠於原著，唔係亂拍。」

王宗堯則說：「扑爛印咗《一路向西》廣告嘅小巴，寓意希望我哋新片破紀錄，優先場反應好，都有信心，上映前希望吸納更多意見，做到最好！」

文：影視組