糖妹讚台男溫柔 試試無妨

糖妹笑言每日吃五至七餐，搞到塊面脹卜卜。

歌手糖妹（黃山怡）未入行前因參加歌唱比賽首次踏足台北，之後更因工作經常往返，而結下濃厚的情意結。她笑言已經忘記了去過台北多少次，並自爆每次去台北平均每日食五至七餐：「有時食得太勁，睇相都覺得自己塊面好脹，惟有返酒店做運動，點都要出出汗！」

• 糖妹在台北嘗盡美食。

自認傳統

問到可試過在台北有艷遇時，糖妹指每次都是跟公司同事或幾位閨蜜同遊：「我哋都係掛住搵嘢食，又唔會去蒲，好難會有艷遇！」談到台灣男生，糖妹就大讚他們溫柔：「佢哋有份體恤！（嚮往同台灣男生拍拖？）試試無妨！」至於可會考慮跟不同國籍的男生拍拖？糖妹坦言自己比較容易呷醋：「外國人感覺比較隨意，覺得有好親密嘅女性朋友冇問題，我自己唔得，個人比較傳統！（急拍拖？）目標係三十幾歲結婚生仔，其實身邊好多人都想我快啲拍拖，歌迷都好支持，而且個個趕住要生仔，自己都趕趕地啦！」

文：音樂組