邵仲衡單眼 硬（目及）AV女

藝人邵仲衡昨日偕日本AV女優湊莉久、朝倉琴美及栗林里莉出席握手會。席間，穿上超短Tube-dress加魚網襪的三女，跟30名男粉絲近距離接觸，又與邵仲衡、兩名幸運男粉絲玩遊戲，興奮露底！以獨眼龍造型現身的邵仲衡，面對三位性感女優全程「硬晒軚」，玩遊戲時，湊莉久大施「高潮眼」兼雙手搭實邵仲衡肩膀，已有家室的邵仲衡仍一副「正經樣」，場面惹笑。

怕太太扭耳仔

事後，邵仲衡解釋自己只是比較Gentleman，加上對方穿得少布也應多加留意，但又笑言擔心返去被太太扭耳仔：「原則上我做得佢哋阿爸，尊重啲好，呢啲女仔好勤力，我個人好respect佢哋專業嘅態度，佢哋今朝早兩個鐘嚟化妝，一絲不苟。（係佢哋fans？）我冇睇AV好多年！」他又透露稍後偕郭峰演出改編漫畫《火鳳燎原》舞台劇，手頭上也有電視劇、網劇及電影劇本邀約。

問他可有興趣再拍無綫劇？邵仲衡說：「啱咪搵我囉，呢樣嘢好似談戀愛咁，勉強冇幸福，最緊要大家互相啱、故事最緊要。」

文：影視組