鄧建明嗌正 等埋位jam歌
葉世榮透露Beyond年底會再度合體登上紅館舞台，並會邀請同期出道的歌手如太極樂隊、達明一派等一同參與。太極樂隊主音雷有輝得悉此事後表示：「好開心，真係等咗好耐，我諗全部人都極之興奮，開騷梗係正啦！就算冇份上台一齊玩，都會去fully support。有得玩唔玩咩，係一個80年代band友咁好嘅聚會！」
結他手Joey Tang（鄧建明）則承認早前聽聞歌迷提過，他會大力支持：「好正！大家都等咗好耐，係好事嚟，如果達明一派都會去玩Beyond嘅歌，會好有新鮮感。我之前同家駒、家強都夾過一隊band。」另外，昨日Joey到電台受訪，指太極樂隊月底的演唱會請得黃秋生「加盟」：「我度咗一part畀佢，但佢點演繹就唔知喇，未必同諗嘅一樣。」其他嘉賓還有溫拿、陳慧嫻。