阿姐母子情200萬人搶睇

由汪明荃(阿姐)與劉松仁主演的新劇,播出以來收視不錯,前日更因黃色暴雨警告下,有接近200萬觀眾收看,最高收視點為30.3,此乃該劇播出以來最高收視的一次,無綫將於今日舉行祝捷會,而阿姐獲悉收視高感開心,大讚「兒子」王梓軒演精神病患付出不少努力!

香港連日來暴雨不斷,前日更一度發出黃色暴雨警告,連帶無綫雙線劇集《華麗轉身》及《武則天》收視上升,可謂古今女王齊領風騷!先由阿姐、劉松仁率領鍾嘉欣、方力申等演出的劇集《華麗轉身》,前晚平均收視26.4,有171萬觀眾收看,最高收視點為30.3,有接近200萬觀眾收看,最高點是講述王梓軒飾演的精神失常歌手與汪明荃演的母子情對手戲。而內地女星范冰冰演出的《武則天》,開播以來一直不乏捧場客,收視節節上升,前晚該劇平均收視點為27點,即176萬觀眾收看,最高點則為28點,有183萬觀眾收看。無綫有感收視成績理想,決定於今日舉行祝捷會。

讚梓軒落工夫

阿姐昨日接受電話訪問,對該劇收視高感開心,談到最高點收視落於其母子情戲份,她謂:「嗰場戲係好感動,今個星期嘅戲都係講我同啲仔女情,梓軒演個有精神病人,佢係新人,角色都幾難演,所以拍之前有溝通,見佢好努力,之前做好多工夫,有同佢講眼嘅感覺要做得好好,並唔係要表面工夫,咁松哥有幫手教新人。」

對於該劇收視比《武》劇高,阿姐亦力撐:「《武》劇時間好過我哋,不過大家戲種唔同,各自有支持者,我哋就深情演出,如果要睇宮庭嘢就睇《武》劇,兩套劇都有唔同特色。(會唔去慶功宴?)都會撐,松哥唔喺香港,佢接咗嘢冇計,(想收視想再高?)啲人都好耐冇返去追劇,今次題材好感動,缺乏呢類劇集。」

兩劇一齊祝捷

至於無綫企業傳訊部副總監曾醒明昨日透露:「現代阿姐加上古裝冰冰,以『雙嬌 』姿態一起報捷!今日會搞祝捷會。阿姐為咗呢套劇宣傳工夫不遺餘力,忙緊做煇哥演唱會同《Sunday靚聲王》,都繼續瞓身宣傳。」更指《武》劇將於周日落區派禮物谷收視。

文:影視組