VAMPS high爆嗌熱粉絲揮Bra

由L'Arc~en~Ciel主音hyde領軍的二人樂隊VAMPS，前晚假亞洲國際博覽館舉行首個港騷，吸引香港、內地及日本等地的樂迷悉心打扮捧場。除有人模仿hyde及俏護士等，有多位霸到頭行靚位的女粉絲甚至穿性感比堅尼並揮動手上的Bra，令氣氛更為火辣辣。

hyde與結他手K.A.Z聯同樂隊準時開場，他們演繹英文版《WORLD'S END》及《VAMPIRE'S LOVE》等17首樂曲，叫全場樂迷High爆狂跳。唱得忘我時，hyde唱至瞓地，K.A.Z更上演環迴揈結他。

女粉絲穿上比堅尼兼拿着Bra入場。

K.A.Z

據知hyde為港騷苦練廣東話數天，不僅頻講「多謝」冧樂迷，又搞笑表示：「香港比上次熱，今日都好熱，有冇登（等）我哋呢？真o架？好可愛呀！玩得開心地（啲）呀！」他在《ANGEL TRIP》中途亦說：「一齊走啦！我哋兩個人！」見hyde要偷看貓紙且發音麻麻，部分內容叫人聽到一頭霧水。

大派飛吻

安哥時VAMPS獻唱MV在港取景的《THE JOLLY ROGER》等，把氣氛推至最高峰，hyde則用廣東話承諾說：「仲會再見呀！我愛你！」離台前並大派飛吻。而個唱期間有女樂迷身體不適暈倒，要工作人員出動椅子抬離會場。

文：外娛組