何傲兒風騷：優先簽林建名

慧妍雅集昨晚舉行慈善晚會，今年以「扶貧」為主題，現場設有拍賣共十一件珍藏作為籌募善款，而身為今屆主席的陳法蓉以及「永遠榮譽會長」的朱玲玲則率領一眾會員，包括曹敏莉、張嘉兒、趙雅芝及楊思琦等人影大合照。

早前正式宣布約滿無綫後，首度出席公開場合的何傲兒，就因遲到而未有影到大合照。以性感造型谷胸上陣的她，甫進場已表現得相當風騷，指是首次以個人獨立身份出席，感覺別具意義：「要多謝舊公司，因為係成長地方亦畀好多機會我，係另一個新開始，依家暫時由家姐（何傲芝）幫我做住經理人先。（點解想離開？）自己想出去闖吓。」問到會否優先考慮簽約緋聞男友林建名旗下公司？她則表示：「林生公司當然會優先考慮。（洽談中？）本身同佢有聯絡，可能要再溝通，但會優先考慮。（多咗好多工作？）可能傾得會快啲！」

林建名	慧妍雅集慈善晚宴，一眾港姐來個大合照。	趙雅芝保養得宜，十年如一日。

朱玲玲開心有仔陪

而朱玲玲獲二子霍啟山陪伴出席晚宴，作為今年母親節禮物，對此她表示非常高興：「好驚訝佢會嚟，因為佢之前陪過我嚟，仲曾經頒過服裝造型獎畀佢，但佢唔願意上台，因為覺得好尷尬，今年好隨意問佢，佢竟然話會嚟！」而問到正日會如何慶祝？她表示：「大家都忙，可能過咗下星期一先。（想新抱郭晶晶再生B？）都想，因為係開心事，我爸爸都九十幾歲，都想多一個曾孫，但唔會催佢！」

文：名人組