莊思敏孖Nel Nel 美容界吸金
藝人莊思敏（Jacquelin）自爆受皮膚困擾多年，為了做個全職的美容達人，最近決定花逾萬元做DNA測試尋找因由，更有意入股Nel Nel的美容生意，齊齊搵銀。
莊思敏、羅霖、陸詩韻、張慧儀、吳日言等昨日特意到場支持好友兼著名形象指導張學潤（Nel Nel）代理的美容儀器發布會，Jacquelin更乘機向好友取經投資美容之道。她透露自己皮膚有問題，故對美容有興趣，亦花費逾萬元做測試：「因為自己皮膚敏感，好多朋友都係咁，所以去做DNA測試，睇吓係食物敏感定對動物毛敏感，想搵出原因，唔想無啦啦再敏感。」
投資七位數做老闆
首次做美容老闆的Nel Nel透露這次代理的美顏機與友人投資約七位數，更笑言一切都是「整定」：「因為朋友喺日本拎嚟畀我試，試完我覺得呢個年代唔使再去美容院，有個念頭想代理，咁啱有朋友移民咗去日本就係做嗰間公司，仲幫我搭路，咁仲唔係整定。」他表示更有意在大陸拓展業務，現時有不少朋友想入股。
陸詩韻惹佗B誤會
另外，陸詩韻在微博上載一張BB超聲波相，更留言表示準備迎接小生命的來臨，惹來佗B的揣測，她解畫說：「弟婦九月生B，仲有幾個月先做姑媽，自己太心急發布，因為弟婦啱啱照完超聲波。」單身的她表示自己比較傳統，想結婚後先生BB。
文：名人組