煇哥怕丁蟹效應 搵秋官畀貼士
屹立樂壇半世紀，寫下無數經典作品的顧嘉煇宣布退休，在前晚的煇哥榮休演唱會上眾歌手落力演出向煇哥致敬，包括以印度王子扮相示人又唱又跳的鄭少秋，秋官搞笑說煇哥久不久會致電他，問他的劇何時播映，因為怕其「丁蟹效應」令股市大跌。
「樂壇教父」顧嘉煇一連12場《顧嘉煇榮休盛典演唱會》前晚在紅館開鑼，全場爆滿，主角煇哥在方逸華、丘亞葵及家人陪伴下全晚在特設的梳化上睇騷，眾歌手再三感謝煇哥的作品令他們的事業能更上一層樓，又介紹煇哥的威水史。
印度王子壓軸
近來經常於深夜時段在神劇《大時代》出現的「丁蟹」鄭少秋，前晚以金光閃閃的印度王子Look壓軸現身，並坐轎登場，甚有氣勢。秋官一口氣唱出多首名曲，又跟以印度西施打扮的女舞蹈員跳「甩手舞」。
秋官在台上搞氣氛說：「認識煇哥差唔多40年，呢幾十年嚟煇哥久唔久就打電話畀我，咁橋打親嚟我都係有劇集上，煇哥會問我套劇幾時上，我答佢話你喺加拿大冇咁快有得睇，點知煇哥話我唔係要睇套劇，係驚個市冧呀。」秋官續說：「在座邊位因為我而損手爛腳嘅畀啲掌聲聽吓。」觀眾隨即報以如雷般的掌聲。
懷念拍檔黃霑
秋官的好拍檔汪明荃亦有演出，她在台上表示煇歌的所有作品都是她的代表作。出名寡言的煇哥又透過短片表達對已故老拍檔黃霑的懷念，並播出兩人當年合作煇黃演唱會內他們跳舞的片段。
尾段眾表演嘉賓合唱《獅子山下》，在歌聲陪伴下煇哥站在金黃色指揮台於舞台中央升起，指揮最後一首歌，全場過萬位觀眾以掌聲歡送煇哥。
文﹕音樂組