陳凱琳認戀嘉穎：依家開始！

上月《好報》率先踢爆年紀相差22年的女神陳凱琳（Grace）與鄭嘉穎前後腳返男方位於大坑的愛巢！事後dry足四年的嘉穎一反過往例牌否認的常態，直認女方上過他屋企，並和Grace夾口供表示是朋友關係！但據知二人早前一起到荷蘭拍攝無綫劇《殭》外景，逾兩星期遠在外地不受騷擾，無論食飯還是工作都待在一起，令他們感情跨進一大步。

拍劇加深了解

昨日Grace接受本報電話訪問，雖然她強調與嘉穎仍然是朋友關係，但問到嘉穎是否在追她？Grace說：「都係嘅！大家認識當中，想再識耐啲先。（對嘉穎有好感？）都有好感！」問到父母知不知情時，她更霸氣地說：「佢哋知呢單新聞，但主權喺我度。」有愛情滋潤的Grace更改了其Instagram的狀況為「Placing my life in faith and love.」似暗示沐浴於戀愛中。

陳凱琳與嘉穎早前被《好報》拍得前後腳返男方寓所。	放大圖片	嘉穎承認年紀不輕，很想結婚。（資料圖片）

昨晚Grace出席慧妍雅集慈善晚宴時春風滿面，被問與嘉穎是否已開始拍拖？冧爆的她漏口風說：「係呀！依家開始，認識當中，喺荷蘭拍完劇之後更加了解佢為人，佢對身邊人都好。」當記者恭喜她時，Grace即轉口風：「依家開始，意思係指開始做訪問。（咁同嘉穎依家究竟咩關係？）好朋友，唔係拍拖。（呢杯茶嗒得過？）唔識答。」

一向自嘲年紀不小、想結婚的嘉穎接受電話訪問時，明顯與Grace夾過口供。他謂：「的確大家好投契同好多話題，不過依家只係朋友，小弟我都唔細啦，希望大家畀啲空間啦！」不少網民留言說看好戀情，指他們十分匹配。

陳瀅讚有勇氣

嘉穎老友黃智賢大讚Grace聰明抵錫：「我知嘉穎想結婚生仔，希望佢快啲請我飲。」Grace好姊妹陳瀅亦稱：「戥佢哋開心，呢行要公開關係需要好大勇氣！」另一好姊妹賴慰玲坦言不知二人拍拖：「唔覺，因為我同佢兩個冇同一場口。（祝福佢哋？）郎才女貌都好襯，一陣會問吓佢。」

文：專案組