母親頌星聲入耳

連詩雅：媽咪喺我心目中係super woman，佢係好成功嘅女強人，而且永遠都會留最好嘅嘢畀我！我好感恩，好多謝佢咁多年嚟養育我，咁錫我同咁愛我，無論我做咩佢都好support我，我想同我媽咪講：媽咪我愛你！

黃芷晴：媽咪喺我心目中就係我嘅巨星！由我出世到依家，無論喺工作或者屋企方面，佢都係女強人，雖然對我有啲嚴厲，同埋有少少長氣，但對我好好。尤其是前兩年佢有病，我哋共渡難關，媽咪都好堅強，佢依家好番晒，我都希望佢身體健康、繼續愛佢！

放大圖片	黃芷晴	梁潔華、黃芷晴

鍾舒漫：我最愛係我媽咪，我今日做歌手都係因為佢喺我細個時畀我學鋼琴同畫畫，平時出入都係歌劇團、音樂劇同畫展，令我不知不覺愛上藝術、成為興趣，成為歌手！所以我一定要多謝我媽咪！

鍾舒漫	放大圖片	陳爽

陳爽：媽咪由細到大都好錫我、支持我，到依家做人媽咪，明白佢嘅苦心，真心覺得媽咪好偉大，希望多時間陪佢！媽咪有時幫我睇住囝囝，佢知我辛苦，佢前一晚可能因為囝囝喊，搞到得唔好，但都會撐住，媽咪我愛你！

放大圖片	林德信	林德信、吳正元

林德信：我心目中最愛就係我媽咪，我要多謝媽咪帶我嚟呢個世界，佢係呢個世界上最支持同了解我嘅人，有需要時畀好多鼓勵我，亦會用心聆聽，所以我真係好多謝佢！

朱潔儀

林雪

朱潔儀：我心目中最愛就係我媽咪，我要多謝佢成日煮好多美食畀我，養到我咁高大。佢好勤力，咩都唔使我去做，最有印象係佢雖然唔識煮燕窩，但佢曾經為咗我特登學整，好多謝你呀媽咪，我仲記得當日食完之後，第二日起身塊面仲好滑、好有光彩！

林雪：我最愛嘅人，梗係媽咪啦！母愛係最偉大，如果只係揀一個最愛，一定係我媽咪！我阿媽十月懷胎，咁辛苦湊大我，阿仔又唔知好定壞，要教嘛！同媽媽相處每一件事都好難忘，就算我做錯咗，佢都好寬宏大量原諒我、關懷我！