乖女冧招 趙頌茹枯葉當寶
明日是一年一度母親節，單身媽媽趙頌茹會親自為媽媽下廚，兩個囡囡送她枯枝、樹葉做禮物，她當寶珍藏，最緊要囡囡心目中有「媽媽」。
趙頌茹（Yu）會帶同兩個女兒信希、愛希到婆婆家慶祝母親節，阿Yu笑說：「我會同阿妹煮飯畀媽咪食，做咗咁耐女都冇乜煮飯畀媽咪食。」阿Yu坦言禮物不是最緊要：「最緊要係母親節記得媽媽。」平日最愛帶寶貝女到公園玩的阿Yu，笑言既健康又不用花錢：「四歲大女學校有講母親節，佢畫咗卡畀我，佢知母親節通常會送花，同阿妹喺公園執咗啲枯枝、樹葉當花畀我，佢哋將我擺喺心度，已經好感動、窩心，忍唔住想喊。」兩歲半細女有日更突然對她說：「媽咪I Love You too！」氹得她好開心，阿Yu笑說：「唔知佢喺邊度學，但佢明呢句意思，真係好得意。」將來女兒長大拍拖，會否捨不得？阿Yu稱是必經階段：「希望佢哋搵到真係錫佢嘅人，我好珍惜三母女相處時間，最緊要佢哋個心有我！」
張慧儀為仔鬧校長
分別領養兒子的溫碧霞（Irene）、張慧儀也分享母子樂，受姊姊產後抑鬱陰影，Irene不敢生兒育女，囝囝Xavier是被遺棄孤兒，但她當正是親生兒：「佢成為我嘅一部分，去邊都帶埋佢，每日要錫錫好多次。」張慧儀囝囝Hanson有先天性心臟病，她說：「囝囝身體嘅問題，冇學校肯收佢，真係好嬲，試過鬧校長，行出門口時忍唔住喊。」
文：音樂組