樂基兒惹火谷胸 拒行泳衣騷
名模樂基兒（Gaile）昨日出席內衣時裝騷，壓軸登場的她穿上緊身內衣，大騷三寸事業線，性感程度極高！但她就坦言抗拒行泳衣騷。另外，呂晶晶及師妹莊端兒同樣拋胸上陣，未知是否想硬拚惹火Gaile？
狀態大勇的名模樂基兒（Gaile）昨日出席內衣品牌活動，壓軸為時裝騷擔任模特兒。穿上低胸束身內衣的她，再配以透視拖尾晚禮服亮相，大騷三寸事業線，長腿若隱若現，噴血程度極高！對於再度踏台板，Gaile坦言感到非常興奮，問到會否考慮接泳衣騷？她即謂：「其實以前都有行泳衣騷，影相就OK，行騷就唔好啦！（介意公開着比堅尼？）之前有兩年喺印尼生活成日都着，都唔理靚定唔靚！」而對於母親節將至，向來非常重視家庭的Gaile，透露已預備送上鮮花給母親，又指母親從不過問其私人感情，故不怕會被催婚。
呂晶晶貪靚捱餓
而同場的呂晶晶及同門師妺莊端兒雖然未有份行騷，但兩人仍以低胸貼身裙示人，實行拋胸力拚惹火Gaile！晶晶透露自己暫時未試過行內衣騷：「今日呢個造型，其實Marie（諸葛紫岐）都唔知，想畀驚喜佢。（老闆想你保守啲？）冇規定，最緊要靚同睇場合，自己為咗呢套衫忍咗十幾日，餓住個肚瞓覺。」而端兒則笑言在最後一刻才告知男友張致恒：「佢有叫我小心啲，唔好走光。」
文：名人組