Jeana狂讚猛男得意
藝人何佩瑜（Jeana）被今期《好報》拍到狂冧經理人公司的馬來西亞老闆Rex Bong，更「三陪」對方又飲又食又Shopping，她接受本報記者訪問時說：「佢只係馬來西亞嗰邊嘅同事，嚟香港幾日睇金像獎，當日係約埋香港其他同事一齊食飯。」
兩人有否發展機會？Jeana謂：「佢係好Friendly同得意嘅男仔，我同佢講自己拍完鬼片住酒店成日畀鬼壓，次次都要女助手陪我瞓，佢聽到後送咗件印咗個佛嘅Tee畀我，又真係幾有效，哈哈！不過我哋真係朋友嚟啫，佢又住馬來西亞，有公事先聯絡，佢嚟香港都會約大班同事出去。」她又笑言不知道對方有無女友。