鄧宏業忙向女友解畫
東亞運金牌單車手鄧宏業被《好報》踢爆夜會魏駿傑老婆張利華，他昨日受訪時解釋：「同張利華係好朋友，佢跟我學單車，因為佢就嚟比賽，我係佢私人教練所以成日會見面。可能佢係圈中人較矚目，我唔係咩名人，上娛樂版好奇怪。」
講到為張利華攞手袋及攬腰，鄧宏業說：「有幫佢攞手袋，因為佢話凍要着衫，所以幫佢攞住手袋，冇攬腰，無端端點攬腰？」他又指不會因緋聞而與張利華斷絕來往，因為還要教她單車，並謂向來與學生感情很好，大家會約出去玩。問鄧宏業可認識魏駿傑？他說：「未見過面，唔認識。」
鄧宏業強調自己有位拍拖數月的女友Yannes，並主動提供相片作「證據」，他說：「我都有同女友解釋，件事搞到好複雜、好麻煩。對方係有家庭嘅人，搞到好複雜。」