譚淇淇賣炸雞籌備開分店

Rapper譚淇淇（KiKi）除了唱歌及做主持之外，半年前更與家人一起在佐敦開了一間韓式炸雞店，實行做港版「雞排妹」！舖頭是半開放形式，KiKi表示：「好多人都鍾意坐喺出面，一邊飲啤酒，一邊傾偈食炸雞，別有一番風味！」由於靠近旺區，店舖營業時間亦比較長，KiKi說：「我哋開到夜晚11點幾先收，主要都係爹哋同媽咪睇舖！但我有時間，都會落嚟做店員！」
譚淇淇表示炸雞店生意理想，打算再開分店。
譚淇淇表示炸雞店生意理想，打算再開分店。

至於食物方面，KiKi坦言花了很多時間研究及改善：「同其他炸雞店比，我哋嘅雞唔會咁油，味道比較符合香港人口味！同埋我哋用嘅泡菜都係自己新鮮整，可以無限任食！」由於生意不錯，KiKi打算今個夏天會再開分店，現在籌備中。

「兼職店員」譚淇淇花了不少時間研究菜式。
  • 「兼職店員」譚淇淇花了不少時間研究菜式。

場地：Haru Haru