Suetzi＠HunterZ拜豬廟「尋根」
組合HunterZ成員鄧詠雪（Suetzi）早前到日本大阪自由行4日，由於近日因日圓下跌，故此行Suetzi都大買特買！身形瘦削的Suetzi，坦言每日都食章魚燒，表示十分滿足，她說：「我本身好鍾意食章魚燒，4日都食咗成120粒，不過其實唔係好貴，都係食咗120港元咋，真係勁平！（食咁多唔厭咩？）唔會！我一日三餐都可以食章魚燒o架！」
另外，Suetzi笑言今次是尋根之旅，因為到日本拜自己的「祖先」，她說：「無啦啦行過見到個豬廟，即刻入去睇吓，身邊朋友成日都話我係豬，所以今次啱晒，終於都可以『尋根』啦！」