張崇德潘敬祖毋忘樂業
入行已廿二個年頭的張崇德經歷過三年事業的低谷，被迫轉行做幕後及旅行社維生；其徒弟潘敬祖的星途同樣坎坷，事業一度告急，轉戰歷奇教練。兩師徒最終毋忘初衷，憑住一股傻勁，向着未圓的音樂夢一路直跑。
娛樂圈這個行業很有趣，紅與不紅根本不由自主，付出與收穫（甚至是收入）更往往不成正比。好命的可以一夜爆紅，相反有人默默耕耘幾十年才捱出頭來，張崇德就是屬於後者。最近他收了潘敬祖做門下學生，教唱歌兼做新碟監製，兩位不同年代的歌手，說起來，原來音樂路同樣崎嶇難行。
曾轉任旅行社
1993年張崇德與哥哥張崇基組成二重唱組合參加新秀，摘下冠軍後本以為會一帆風順，怎料不久便遇上人事變動，崇德說：「唱片都未出到已經有人事變動，公司翻天覆地，我哋三年先出得一隻碟。最後1998至2001年，我係完全停晒歌手嘅身份，之後先出番嚟自資出碟。」
幕前事業不如意，令崇德決意另找出路，為維持生計，不介意退居二線：「我覺得鍾意音樂冇得放低，冇碟出都要繼續唱，咪喺屋企唱囉。錢又搵唔到，咪轉做幕後，仲做過旅行社、副導演，我唔介意喎，因為人生經驗唔同咗，識多咗人，又儲到啲資金。」
不甘放棄理想
至於徒弟潘敬祖2013年奪得新人獎後，事業走進了死胡同，最終決定放下音樂一整年：「我覺得要諗吓實踐呢個音樂理念應該要點做呢，我中途去咗做歷奇教練，一年內考咗十幾個牌。最後記得自己玩音樂嘅初衷，我唔甘心放棄理想，知道呢件事唔係為錢、為名利，跟住就遇見張崇德，叫佢教我唱歌，最後計劃出碟，主打歌就係叫《初衷》。」
兩師徒在音樂路迷失，也在音樂路相知相遇，就如崇德所講：「估唔到香港仲有傻人同我一樣，會自資出碟，為音樂會打兩份工。」
文：倪民清
攝：張福宏