陳嘉桓周嘉莉爆Like 霜月Shimo和牛蟹逅

對飲食極之講究、熱愛日本文化的陳嘉桓和周嘉莉，甫踏入霜月Shimo，已被華麗頂級的裝潢吸引，Rose坦言：「大部分日本餐廳都選用黑色為主色設計，但霜月Shimo與別不同，選用柔和燈光，配合窗外投射的天然光，好溫暖同舒服嘅感覺。加上VIP獨立房設計得甚有日本氣息，極具氣派。而最大賣點係景觀可以望到馬場景，一覽無遺。」周嘉莉亦給予極高評價：「一入餐廳覺得好開揚，座位位置有滑動趟門式屏風相隔，私隱度好高，食得舒適。」

濃郁肉味油香

陳：陳嘉桓　周：周嘉莉

周嘉莉、陳嘉桓	日本A5鹿兒島和牛Sukiyaki $870 壽喜燒的醬汁會加入和牛的油脂、牛筋和牛肉連同豉油熬足3至4小時至入味，將一片油花均勻的A5和牛肉眼片輕輕一灼，再蘸蛋汁吃，滿口油香。	鱈場蟹Shabu Shabu $880 將鱈場蟹放在木魚昆布清湯內簡單烚煮約3至4分鐘，蘸着用鮮柚子汁和檸檬汁等調配的酸汁，微酸加強蟹肉的鮮。最後加入日本蔬菜來吃，將湯中的鮮味精華索個一滴不漏。

陳：Rachel，知你同我一樣鍾意食日本料理，今次帶你嚟新開張華麗高級食府霜月Shimo，梗係有好嘢介紹畀你啦，呢度午巿同晚巿都有唔同高級菜式供應，一定滿足到你同我！

和牛Sukiyaki壽司 $100 手板大的鹿兒島A5和牛片，利用火槍略燒至帶出香味，再掃上壽喜燒醬汁，和葱花一起吃，入口即溶。	月見碎吞拿魚腩丼 $250 米飯選用日本米、新鮮拖羅免治魚肉，加上日本山口縣長州雞蛋、芝麻、葱和紫菜，啖啖都是魚鮮。	法國Fleur des Eaux生蠔 $80

周：師姐，唔好講咁多，快啲介紹主打王牌菜式畀我試啦！我見到個餐牌啲食品咁美觀咁吸引，已經流晒口水嘞！

日本岩蠔 $80	辣吞拿魚壽司卷 $200 吞拿魚、青瓜、蟹籽和自家秘製辣醬作餡料，捲好後再灑上同款辣醬、芝麻、葱絲和七味粉，辣中帶香。	角切魚生丼 $170 每次會選用4、5款當造白身魚，這次就有吞拿魚、三文魚等，再加紅酒蕎頭、淮山、牛油果、三文魚子和蟹籽，層次相當豐富。

陳：我知你同我一樣，都係無牛不歡嘅「牛魔王」。呢度馳名頂級「日本A5鹿兒島和牛Sukiyaki」，Sukiyaki即係壽喜燒，淨係個醬汁都相當講究，係嚴選A5和牛嘅油分、牛筋同牛肉加埋豉油，熬三到四個鐘而成。你睇吓份和牛刨得幾薄，真係冇得彈！

北海道丼 $250 山形縣白米煮成的香飯面層鋪滿北海道的馬糞海膽、帶子和三文魚子，佐以用木魚和昆布浸煮醃的豉油來吃，令海鮮味道更濃。	放大圖片	李師傅、輝師傅、陳師傅

周：等我試吓先。嘩！個醬汁好足料呀！一入口感覺到好濃郁嘅和牛肉味同油香，完全冇油膩嘅感覺，好好味呀！Rose你都試一件吖！

霜月Shimo	放大圖片	放大圖片

每日鮮味直送

陳：梗係要試，我仲要留肚食呢個極品「和牛Sukiyaki壽司」呀，你睇呢件A5鹿兒島和牛片，同我隻手差唔多咁大，就知唔係浪得虛名啦！首先用支火槍燒一燒帶出香味，再掃上壽喜燒醬汁，再配上葱花同壽司飯一齊食，啖啖都係牛嘅精華，食一件點夠呀，使唔使留一件畀你？

周：梗係要啦師姐，但可唔可以試埋另一款王牌「鱈場蟹Shabu Shabu」先呀？

陳：師妹果然識食！「北海道鱈場蟹」每日新鮮運到，名副其實夠晒新鮮，只要將蟹放落去由木魚、昆布煮成嘅清湯底入面灼一灼，再蘸啲用鮮柚子汁同檸檬汁調校而成嘅酸汁，完全係絕配呀！

周：食完啲蟹我要將嚟自日本嘅野菜放落個湯底度，等佢吸晒啲精華，我食到停唔到口嘞！

A5極品保證

周嘉莉除肚子大滿足外，更獲年輕帥哥輝師傅教路，學區分和牛的級別，此行確實「收穫豐富」，她說：「原來鹿兒島係正宗和牛原產地之一，出產嘅和牛擁有完美肉質油脂分布比例，肉質鮮紅幼嫩，肉味濃，由於雪白嘅油花熔點低，約25℃就會溶化，所以只需稍為灼一灼就食得。而霜月嘅A5和牛，就係和牛之中最高等級，油脂最為豐富，口感入口即溶，牛肉油花分布平均、細緻，肉質比較嫩同多汁，今次真係學到好多嘢。」陳嘉桓除對霜月Shimo給滿分，更大讚選址方便，位於銅鑼灣區旺點，交通極之方便，相約三五知己一齊開餐聚會，真係最好不過。

主打必試：Shabu Shabu、Sukiyaki

霜月Shimo日本料理餐廳以Shabu Shabu和Sukiyaki作為賣點，當然是必試之選。愛牛肉的話，可揀選即點即刨至3mm薄的鹿兒島A5和牛，又或牛味濃郁的美國Prime Grade作Sukiyaki，肉味香濃且入口即溶。想為味蕾帶來一絲清新，可選鱈場蟹Shabu Shabu，鱈場蟹肉放在以木魚和昆布作清湯底內輕灼，配特別調製酸汁吃，瞬間提升蟹肉鮮味。

餐廳亦提供生蠔、天婦羅、燒物和壽司等傳統菜式，食材全經嚴格挑選，富彈性而黏糯的山形縣白米做成傳統丼飯或是壽司，還有來自日本岩手縣白金豬、山口縣長州雞蛋、福岡大分縣的深海池魚等優質靚料。

蠔鮮味！

日本岩蠔來自日本兵庫縣，肉質爽口。除檸檬汁外，還有混合柚子、日本青葱和辣椒蘿蔔蓉的醬汁混和來吃，令蠔肉帶淡淡的柚子香。法國Fleur des Eaux生蠔中文名水中花，來自法國Brittany的海域，清新爽口，先吃到海水鹹鮮，然後再滲出絲絲甜味，Aftertaste強烈。

特設兩個榻榻米包廂，大的可坐8至10人，最低消費$8,000，小的可坐4至6人，最低消費$6,000，私隱度高又舒適，最啱和朋友包場開Party。全落地玻璃窗，居高臨下能飽覽銅鑼灣、跑馬地的景色，景觀開揚。

木系瀛風

用日文「下霜的季節」命名的霜月Shimo日本料理餐廳，充滿詩情畫意，佔地約2,000平方呎的餐廳，設計以簡約為主，特地請日本設計師打造，以傳統木材作主材料，主用餐區的木桌子和同色系的繡花梳化椅，加上格仔木屏風的襯托，帶出和諧簡約的和風，巨型的壽司枱，是師傅展現刀功和手勢的舞台，其高樓底天花以砌成弧形的木板伸延至牆身，在燈光的映襯下，感覺猶似小瀑布似的在緩緩流動，線條柔美。想更確切感受和室風味，可移玉步至榻榻米廂房，兩個榻榻米包廂，大的可坐8至10人，小的可坐4至6人，純和風感覺的包廂，配落地玻璃窗，遠眺跑馬地一帶景色，邊呷清酒邊欣賞，分外迷人。

廚藝達人主理

店內的三位師傅均經驗十足，李師傅有約10多年經驗，曾於港島香格里拉大酒店工作，主理廚房如Shabu Shabu和Sukiyaki等鍋物製作。年輕的壽司部主廚輝師傅有10多年經驗，曾於本地千登世、新加坡Fat Cow等著名食肆任職，擅長壽司及刺身等製作。陳師傅有15年經驗，曾於悅來酒店工作，負責海鮮如鱈場蟹、生蠔等料理。

地址：銅鑼灣霎東街15-21號OLIV 24樓

電話：2321 3555

時間：12pm-3pm、6pm-11pm（逢星期一休息）

文：蔡志豪、林佩婷

攝：鄭家俊、謝孝祥

服裝：Ted Baker