蔚雨芯絕路sell親情
歌手蔚雨芯（Rainky）特別為母親節炮製新歌《疼妳》，以歌聲頌讚天下間偉大的母親，更將新歌送給去年被車輛剷上行人路、導致三處骨折的媽媽，每次說起事發經過Rainky都聲淚俱下說：「事件發生得太突然，每次見到佢嘅痛，但又唔可以同佢分擔，嗰種感覺真係好難受！」
化身飛蛾
日前Rainky為新歌拍攝MV，一反溫情歌傳統，MV大賣血腥與恐怖情節，講述Rainky生長於單親家庭，從小與由雪梨飾演的母親相依為命，隨着成長溝通減少，Rainky性格變得反叛，遇到問題也不再跟母親分享，最後走上絕路，化身飛蛾回望母親的愛，可惜一切已恨錯難返，Rainky說：「進入青春期好多人都會有反叛時候，同家人溝通好重要，父母都要與時並進，學習以訊息溝通，咁樣先可避免面對面嘅尷尬。」
切勿輕生
MV中她一幕割脈場面，Rainky坦言從新聞看到很多年輕人選擇輕生解決問題，這決定留下來的傷痛是難以想像，拍攝時她壓力很大，她說：「要靠動作、表情去呈現成個故事，當中有輕生場面，要處理得好小心，想用畫面話畀大家知珍惜眼前人，有啲決定做錯咗係唔可以從頭來過。」
文：音樂組