蓋鳴暉揭後台女人多禁忌

蓋鳴暉（Joyce）與陳豪合演的無綫劇集《水髮胭脂》剛剛播完不久，該劇大結局錄得最高收視26點，成績相當不俗。一年一度的天后誕將至，雖然天氣轉熱，但Joyce都專誠到長洲演出神功戲，更化身「導遊」，帶記者參觀後台，向記者講解一番！期間，她又大爆傳統粵劇的「女人禁忌」，她說：「有啲箱特別貼住張紙，指明唔准女人坐，同埋凡係女人嘅私人物件，都唔可以放喺呢個箱嘅周圍。」

帶逾百對鞋開鑼

在Joyce的私人化妝間有一個大箱，存放了逾百對鞋，細問之下，原來這些鞋，是她收藏的十分一都未有！問她為何要帶過百對鞋演出時？向來工作嚴謹的她解釋謂：「有時做戲有幾個古仔要換好多衫，而唔同嘅衫就要有唔同嘅鞋，我最驚係配襯唔到，所以寧願帶多啲鞋，咁就乜嘢顏色都襯到啦！」

蓋鳴暉十分尊敬一眾樂師，開鑼前大合照。

蓋鳴暉每次演出必帶備逾百對鞋，以供襯戲服之用。

與樂師打成一片

Joyce向來對一眾樂師相當尊敬，她笑言：「因為我哋唱現場，如果啲樂師要整蠱你，佢哋彈得快啲或慢啲就好大件事，所以我成日都要同班樂師打交道，氹佢哋開心。」

文：影視組