區文詩投資有道拒分享心得
前Cookies成員區文詩（Angela）日前以司儀身份出席金融公司開幕典禮，她透露現時較專注私下工作：「好似屋企生意或投資，自己鍾意買外幣同磚頭。（係咪小富婆？）未係，咁我做咁多年，同埋女人私房錢好緊要。」
提到好友楊愛瑾（Miki）有學投資，Angela稱不會跟好姊妹交流投資心得：「我幾個好姊妹乜都講，但投資就好少講。」有傳Miki明年結婚，Angela謂：「等佢自己講，係真就好開心，如果係大家都會好快知。」她又笑指另一好姊妹鄧麗欣仍未有意結婚：「因為佢同方力申節目都講過咁多年都冇傾過結婚。（係咪結？）以我所知係未結。」問Angela何時結婚？她稱很享受現時單身生活。