沈震軒望40歲娶老婆

近日忙於穿梭中、港兩地宣傳新碟的藝人沈震軒（Sammy），坦言希望像偶像碧咸一樣四十歲前成家立室：「我好貪心，演藝方面想做多啲嘢，唱歌方面都想做多啲，私底下生活……其實我都唔想去到四十歲身邊未有一個人分享喜悅。碧咸係一個role model，喺佢最有型嘅時候，抱住自己嘅小朋友！」至於理想對象，他直言喜歡愛笑的女生：「鍾意笑囉，鍾意食嘢嘅女仔。」

現實中自認悶蛋

於戲中多飾演壞男孩的Sammy，自爆現實生活中是個悶蛋：「沈震軒係一個好悶嘅人，反而做戲會見到唔同嘅一面，大家覺得你直情係嗰個人，係做演員嘅福氣，每一個角色都有我嘅一面，只係將嗰一面放大。」

今日比昨日更好

近年急速在影視圈冒起，再推出同名專輯強攻樂壇的Sammy，早年亦曾經歷跑龍套生涯，自言固執的他從未想過放棄：「我比較好運，慶幸嘅係我堅持到。其實係鍾意o架咋！可以將事業變成自己嘅嗜好，將嗜好變成職業，係好幸運嘅！每一年都有新嘅港姐、訓練班，佢哋問我我都話最簡單一樣嘢，你鍾唔鍾意先？有時係辛苦嘅，尤其是頭嗰幾年。我係金牛座，係幾固執嘅人，唔會諗放棄，最緊要見到今日好過尋日。」

文：專案組