港姐招募海報 應屆三甲被飛
新一屆香港小姐競選昨日展開招募活動，宣傳海報罕有地飛起三位應屆港姐，轉為用上人氣較強的陳凱琳、蔡思貝、劉佩玥等前港姐作宣傳重點，大會統籌經理余詠珊解釋是希望找一些一夜成名的港姐作宣傳，望新一屆港姐能為無綫發掘明日之星。
應屆香港小姐冠軍邵珮詩、亞軍王卓淇、季軍何艷娟與2013年香港小姐陳凱琳、蔡思貝、劉佩玥昨日在尖沙咀為新一屆港姐展開招募活動。上年港姐玩神秘競選，令三位得獎佳麗人氣普通，現場所見連台上的宣傳布景也以陳凱琳、蔡思貝、劉佩玥、朱千雪、黃心穎五位師姐作宣傳賣點。
觀眾選擇最可靠
今年的港姐競選以「一夜成名 打造璀璨前程」為口號，無綫希望發掘明日之星，大會統籌經理余詠珊被問到新一屆港姐是否秘密進行？她坦言：「唔會喇，怕咗。我哋想搵未來新明星，今屆港姐會去日本、韓國、台灣演藝訓練學校上堂，由當地勁人教佢哋跳舞。」余詠珊透露賽制希望由全民投票選出：「因為觀眾選擇最可靠。」
講到今年罕有地由歷屆港姐孭飛宣傳，余詠珊說：「想搵啲一夜成名嘅人，前年港姐依家有一定知名度，希望港姐可以成為明日之星。（應屆港姐邵珮詩等知名度低？）佢哋比較慢熱，唔急得，唔想將佢哋放錯位。」余詠珊也直認上年秘密進行選美是失敗的，已吸取教訓。
邵珮詩卸任不捨
將卸任的邵珮詩表示不捨，講到宣傳海報冇份？她說：「公司叫我哋可以自己拍宣傳片放上網，可能遲啲會再安排。」而陳凱琳不認同應屆港姐沒有人認識，蔡思貝則說：「我哋師姐嚟，呢啲係公司決定。」
文：影視組