邵仲衡被騙拍三級片
有份演出熱播劇《大時代》的藝人邵仲衡與楊羚，昨日接受nowTV節目《娛樂審死官》訪問。邵仲衡自爆入行前與邱淑貞拍拖，更大爆當年被片商邀請與李麗珍合作電影，明明是拍文戲卻變成三級片，他說：「拍攝時我一入房李麗珍已經冇着衫。」
邵仲衡被傳與影帝劉青雲不和，問兩人會否再合作？他說：「好難講，但想同未合作過嘅人合作。（傳爭女？）其實我之後同佢太太郭藹明合作過做夫妻，劇中有攬和錫，但鏡頭後我哋可以話零溝通，避忌吓怕畀人講。」期間主持人梁思浩又說：「邵仲衡同我講，話我當年畀周星馳恰，當日拍劇集《大都會》佢真打我，我有今時今日要多謝佢。」楊羚則透露與子女同看《大》劇，又指當日決定離開無綫後，有高層完全當她透明。
藍潔瑛笑談校服look
另外，藍潔瑛接受梁榮忠專訪的預告片亦在nowTV節目中播出，她自認李嘉欣和關之琳比自己靚，還坦言對拍《大》劇有印象，特別是着校服一幕：「以為好易做，睇番原來就好唔掂，覺得自己輕視咗，過唔到自己嗰關。」所以最後叫監製韋家輝讓自己補拍。談到近況，她坦言正領綜援，更謂：「有個講國語嘅，佢每個月借錢畀我。」片段中，藍潔瑛表現得頗輕鬆、對答流暢。