鄭嘉穎 陳凱琳情不變
被傳「父女戀」的鄭嘉穎與Grace前晚繼續為「定情劇」《殭》拍攝外景，雖然被Kay搶盡「峰」頭，不過二人拍攝時十分落力，且無避忌，鏡頭前後與Kay三個齊齊有講有笑，二人亦表示未有受緋聞而影響友情，鄭嘉穎直言不用避忌：「呢啲係傳媒寫啫，我都慣o架啦，愈避諱愈寫得多！（Grace會考慮大過佢好多嘅男仔？）唔講啦，講到悶啦，多謝大家關心我感情生活，不過要畀啲空間我，愈冇空間就愈冇老婆啦，所有關係都係由朋友開始o架啦！」
而Grace則澄清指從荷蘭返港當日，因弟弟來接機才先行離開，並非刻意與鄭嘉穎前後腳走。昨日Grace出席2015港姐招募活動時，被問到在荷蘭期間要求住單人房，以便與鄭嘉穎約會？她謂只是希望私隱度高一點。二人拍畢《殭》後，鄭嘉穎將到內地拍攝內地劇，而她則回加拿大探朋友及接父母回港，七月投入拍攝《巨輪2》。