撐盧凱彤明天更好 Eason：切乳豬！
早前患上躁鬱症及出現思覺失調症狀的歌手盧凱彤（Ellen）昨日舉行慈善畫展，把患病時所畫作品慈善義賣，獲多位好友支持，包括「吹神」陳奕迅（Eason）、黃耀明、林二汶、谷德昭、谷祖琳等，Ellen父母亦有到場支持愛女。期間身為慈善基金會大使的Eason講到透過今次活動可更了解情緒病，亦謂藝術可有助解決情緒問題。之後Ellen即席揮筆，像患病時的創作般用左手寫上反轉的文字「我相信明天會更好」，而寫到「好」字的最後一筆眾人則攜手一起寫，見到此畫面Eason即笑言：「好似切乳豬咁！」十分搞笑。
興奮到失眠
受訪時首次開畫展的Ellen興奮透露：「呢度有五十幾幅畫，頭先已經賣咗超過一半。（想籌到幾多錢？）六位數字。」她又自爆前一晚興奮到失眠，亦感謝一眾好友支持：「特別係明哥，佢係第一個叫我去睇醫生人。（點樣多謝明哥？）要好好珍惜自己，唔好令佢失望同心痛。」現屬自由身的她亦透露自資出碟：「今日（昨天）會推出埋畫冊同CD，投資咗六位數字，有信心賺得番。」而講到Ellen多謝他，明哥指已當Ellen是家人和最好的朋友，又大讚她勇於面對病情。
而另一好拍檔二汶亦謂會買畫支持：「但想買幅幅都畀人買咗，可能叫佢夾硬畫多幅，緊希望佢可以慢慢唔再需要藥物同覆診，因為咁樣先叫斷尾。」她亦透露兩人有合作之意：「我哋都想搞周年演唱會，但唔係十年、廿年個，可能17.5周年。」
文：音樂組