修哥集郵鼻祖家燕假錫最強

資深藝人薛家燕、胡楓（修哥）、羅蘭、譚炳文和周驄，昨日出席「無網絡電視粵語片台－－懷緬香港風情」記招。期間，家燕姐和譚炳文親身示範拍借位親熱戲，場面搞笑。而周驄就大爆修哥為集郵高手，與所有女星都合作過。

羅蘭自費服裝錢

播放粵語片剪輯影片後，台長之一的修哥坦言非常感觸：「回味最多係當時忙碌，同埋所有同事融洽。（唔係同女演員錫錫？）點記得，呢過眼雲煙！」而羅蘭姐就自爆當年服裝錢要自費：「修哥做主角就唔同，有$500服裝津貼！」修哥聞言即謂：「我都唔知點講！」羅蘭就笑謂：「唔講就即係默認啦！」

家燕姐與譚炳文親身示範拍借位親熱戲。

眾人觀看經剪輯後的粵語片，齊齊回味當年。

首次「借位」獻曾江

童星出身的家燕姐，重溫片段後體會到時光流逝：「出道時同修哥拍戲我8歲，同驄哥拍戲我10歲左右，羅蘭姐就6個廠開戲6個廠都有佢！」身為台長之一的她，更笑謂將首次「借位」獻給曾江：「胡楓唔知有冇，呂奇都好似有！（有冇真錫？）冇！一埋呢，個鏡頭就飄上天！」是最近在無劇《倩女喜相逢》，才向鄧梓峰獻出螢幕初吻。她又指拍《青春歌后》時，跳足9個鐘芭蕾舞，搞到腳都流血而不自知，令媽媽非常心痛。

此外，同場的無行政總裁助理杜之克先生表示，粵語片台在4月4日開播後反應甚佳，即使用超過一年時間搜集到約1500套粵語片亦相當值得。他又坦言早前向亞視買片有助開台，佔總片量一半：「個range都好大，由1947年到1976年，有成四分一個世紀，自己買吓買吓都有鋪癮！」

文：影視組