顏子菲太Cup引 狂迷死跟

顏子菲日前決意從大腿及臀部抽脂進行豐胸，上圍成功由30A「升Cup」至33C！現時擁有火辣身材的她頻頻解放5吋事業線，大方晒「升胸」成果！換上噴血黑Bra及透視長裙示人的子菲直言「變身」後即出現癡情狂迷，對方一日向她發送數十個短訊，令她笑言似足當上其女友！

愛24小時被（目及）實

子菲說：「網上多咗人問候我，有位（粉絲）會早、午、晚都短訊同我say hi，或者落雨、轉天氣都會好貼心咁提醒我攞遮同添衣，有時佢更會傳埋自己啲相。（唔驚佢繼而跟蹤你？）唔會，係種好熱情關心我嘅表現，佢好似當咗我係佢女友咁照顧！」

她又自爆享受被粉絲廿四小時「Mon到實」：「另一位會好準時咁將我任何報道都第一時間cap圖畀我！（對方全日Mon實你？）係值得開心嘅好事！」問她會否接受男生以「貼身」攻勢力追？子菲大爆抗拒「黐身男」：「接受唔到幾乎每分鐘都要向佢報告，因為我份人好即興同隨心。」她又直言情迷擁有如彭于晏身形的運動型男，又笑稱被心急的長輩不停催婚。

顏子菲自爆身邊有癡情狂迷。

顏子菲升Cup成功後工作不絕密密賺。

想學表姑姐張茜

談到子菲大變身後是否狂接job？她即表示試過三日內接下近六位數字工作：「朋友叫我『真胸菲』，因為我唔係植入假體，而係抽脂豐胸，全身都冇假嘢！內地傳媒都有報道，引嚟好多美容集團、廣告、節目主持等等想合作。（工作大增？）經理人個電話響個唔停！」她又坦言往後想向表姑姐張茜學習，轉型做出色演員：「我睇住佢出道做歌手，再轉型做演員同開美容院。我想好似佢咁，佢又嫁到靚仔老公張衞健呢！」

髮型：Parco wong@Hair trinity

服裝：Jazmine Ho

bra top：the new classic　

首飾：edith n jaz jewellery

文：影視組

攝：張福宏